Tortë pa miell gruri? A mund të ketë edhe shije të mirë? Po, dhe si! Dhe mbi të gjitha, e lëngshme – pa gluten. Provoje

Shef kuzhine, “Panino”

Receta për këtë ëmbëlsirë, në varësi të formës në të cilën e bëni, është me të vërtetë më se e thjeshtë. Gjëja më e rëndësishme është që korja të bëhet siç duhet, dhe gjithçka tjetër është pothuajse e pamundur të mos dalë e shijshme. Ndiqni me kujdes dhe nuk do të gaboni.

Mielli që kam përdorë është Schär Mix B pa gluten, një përzierje buke, por nuk mund të gaboni nëse vendosni miell për kek Schär Mix C ose diçka tjetër.

Përbërësit:

Korja

▪ 5 vezë
▪ 3 lugë sheqer
▪ 5 lugë miell
▪ 100 ml vaj luledielli
▪ lëvore e grirë e limonit

Mbushja

▪ 300 ml qumësht
▪ 1 puding vanilje
▪ 2 luge sheqer
▪ 100 ml krem të ëmbël
▪ 300 gr fruta mali të ngrira

Ose

Salcë frutash

▪ 300 gr fruta të ngrira (qershi, limon, portokalli, banane, kivi, mango, pjeshkë, kajsi)
▪ 1 luge sheqer
▪ 1 puding
▪ 200 ml ujë
▪ 100 g çokollatë të zezë

Përgatitja:

Vendosni vezët në një enë dhe i rrahim për 10 minuta me mikser me shpejtësinë më të madhe. Shtoni sheqerin dhe vazhdoni të rrihni edhe për 5 minuta të tjera. Shtoni miellin dhe përzieni butësisht derisa masa të bashkohet. Shtoni vajin dhe lëvore e grirë të limonit dhe përziejini sërish. Në një tepsi vendosim letër vaji dhe në të derdhim masën e kores. Piqeni për 10 deri në 15 minuta (në varësi të fuqisë së furrës) në 200ºC.

Hiqni koren së bashku me letrën nga tava dhe lëreni në një sipërfaqe të sheshtë që të ftohet plotësisht.

Në një tenxhere ngrohim 2/3 e qumështit së bashku me sheqerin. Pudingun me pjesën tjetër të qumështit e përziejmë në një enë dhe e hedhim në tiganin ku është ngrohur qumështi. I trazojmë derisa pudingu të fillojë të trashet. Kur pudingu të jetë gati, lëreni në një vend të freskët që të ftohet. Kur të jetë ftohur plotësisht, rrihni ajkën e ëmbël dhe e bashkoni gradualisht me pudingun. I rrahim me mikser derisa masa të bëhet e njëtrajtshme.

Nëse vendosni për një salcë frutash, vendosni frutat në një tenxhere, përzieni pudingun me ujë dhe derdhni në fruta bashkë me sheqerin. Përziejini derisa masa të trashet.

Kur korja të jetë ftohur plotësisht, mund të prisni rrathë me një gotë ose një kallëp të rrumbullakët. Shkrini çokollatën e zezë mbi avull dhe zhytni çdo skaj të rrethit që rezulton në të. I vendosim në një tepsi dhe i lëmë në një vend të freskët që çokollata të forcohet. Kur gjithçka të jetë ftohur mirë, merrni një rreth dhe lyeni me mbushjen. Mbi mbushjen mund t’i vendosni salcën e frutave, pastaj përsëri koren, mbushjen dhe sipër dekoroni me salcë frutash.

Vezët duhet të rrihen mirë në një shkumë të trashë. Nëse nuk keni një mikser të fuqishëm, këshilla ime është që fillimisht të rrihni të bardhat dhe sheqerin, pastaj të shtoni të verdhat e vezëve dhe t’i rrihni pak me dorë.

Pudingu duhet të jetë plotësisht i ftohtë përpara se ta përziejmë me ajkën e ëmbël. Nëse pudingu nuk është ftohur mirë, nuk do të bashkohet mirë me ajkën e ëmbël dhe do të keni kokrra.

Më së miri është që salca e frutave ta bëni në fund, sepse nëse ftohet nuk do të mund të shpërndahet mbi tortë.

Shijojeni

Po, Po 31 Vetura Dacia Logan shpërblim për konsumator nga ETC

Sponsoruar