Denita Dedushaj nga Peja e cila ka filluar që të luajë në piano që kur ishte 10 vjeçare u shpreh e lumtur për mundësitë që po ua japin festivalet në Kosovë, që të jenë pjesë e tyre.

Edicioni i 8-të i festivalit “Chopin Piano Fest Prishtina” po vazhdon rrugëtimin e tij. Ky festival në natën e dhjetë të tij solli një Podium Pianistik para publikut, duke dëshmuar talentin që kanë pianistët e Universitetit të Prishtinës. Kështu tingujt e pianos në Amfiteatrin e Bibliotekës Universitare i solli fillimisht pianisti Selim Shabani.

Mbrëmja pastaj vazhdoi më performancën që sollën studentët e tjerë: Rreze Krasniqi, Adea Badivuku, Besiana Tishukaj, Arberesha Shehu, Denita Dedushaj, Yllka Shyti duke sjellë kështu interpretime të mrekullueshëm që në pjesën e parë.

-Advertisement-

Denita Dedushaj nga Peja e cila ka filluar që të luajë në piano që kur ishte 10 vjeçare u shpreh e lumtur për mundësitë që po ua japin festivalet në Kosovë, që të jenë pjesë e tyre.

“Është hera e dytë që po marrim pjesë në këtë festival në Podiumin Pianistik. Më vjen mirë që jam pjesë e gjithë këtyre që performuan sonte. Mendoj që të gjithë e kanë shpalosur shumë mirë punën e tyre. Është shume e rëndësishme të jesh pjesë e këtij festivali ku kanë marrë pjesë edhe pianistë të tjerë me famë botërore”, u shpreh Dedushaj për Kult Plus.

Pjesa e dytë e mbrëmjes vazhdoi me performancat e studentëve Elsa Mehmeti, Erita Qfleshi, Fjolla Sadiku, Gent Kumnova, Besart Shala të cilët sollën edhe stilet e tyre të veçanta gjatë interpretimit të veprave nga kompozitorët si: Chopin, Liszt, Mendelssohn. Kurse vepra “Galop Marche” e kompozitorit A.Lavignac solli edhe përfundimin e natës së dhjetë të këtij edicioni duke sjellë para të pranishmëve një atraksion të veçantë që e sollën: Erita Qafeleshi, Lumbardha Klinaku, Dorina Gashi dhe Fortesa Jusufi përmes lojës së përbashkët në piano.

Edhe pianisti Gent Kumnova i cili hapat e parë mbi pianon i mori në shkollë fillore dhe të mesmen “Prenk Jakova” në Gjakovë, tha se publiku e bëri të veçantë performancën e tyre.“Ndjehem shumë mirë, mirëpo nuk jam shumë i kënaqur më performancën, besoj që ne çdo herë do të kërkojmë më mirë dhe më shumë. Mirëpo pjesëmarrja këtu është shumë e rëndësishme duke marrë parasysh se në publik shumica janë muzikantë apo njerëz që marrin vesh për muzikë dhe kështu që edhe vlerësimi i tyre ka shumë rëndësi”, u shpreh për KultPlus, Kumnova i cili tashmë është në vitin e katërt në Universitetin e Prishtinës në klasën e profesoreshës Valbona Petrovci .

Për drejtoreshën e festivali Lejla Pula e cila këtë natë ka qenë edhe në rolin e pedagogut, studentët e Universitetit të Prishtinës të cilët kanë qenë në nivelin bachelor dhe master me performancat e tyre kanë dëshmuar potencialin e tyre. “Kanë vërtetë një potencial pianistik, artistik, dhe muzikor në brendinë e tyre interpretative, kështu që jam vërtetë e kënaqur, sepse e shohin vetën krahas gjithë këtyre pianistëve që kanë qenë prezentë në Chopin Fest. Më siguri me një entuziazëm jashtëzakonisht të madh u janë qasur sonte interpretimit dhe performancës së tyre, kurse të gjitha veprat që sonte i kemi dëgjuar kanë qenë të luajtura për herë të parë, vepra këto më kërkesa të jashtëzakonshme edhe teknike edhe muzikore”, u shpreh ajo pë KultPlus duke treguar se studentët kanë treguar një pjekuri muzikore dhe se “Chopin Piano Fest Prishitna” . “Chopin Piano Fest Prishitna” do të vazhdojë sonte me Podiumin Solistik duke filluar nga ora 20:00 në Amfiteatrin e Bibliotekës Universitare./KultPlus.com

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-