Sport

Tifozët e Sierra Leones sulmojnë Salah, del me ushtri nga fusha!

Autori: Gazeta inFokus 10:03 | 20 November 2023

Një ngjarje e rëndë ndodhi gjatë takimit Sierra Leone-Egjipt, i vlefshëm për eliminatoret e Kupës së Botës 2026. Skuadra e Momo Salah fitoi 0-2 falë dygolëshit të Trezeguet.

Sfidë të cilën vendasit e mbyllën me 9 futbollistë. Kapiteni Salah dhuroi asistin e golit të dytë, ndërkohë që u përball me një sulm të disa tifozëve vendas. Gjashtë prej tyre pushtuan fushën, dy nga të cilët tentuan të sulmonin “yllin” e Liverpoolit.

Ndërkohë që tifozi i parë mbante veshur një fanellë të Liverpoolit dhe u tregua miqësor kundrejt 31-vjeçarit, të tjerët nuk ishin aspak të tillë. Në mbrojtje të Salah dolën shokët e skuadrës tek Egjipti.

-Advertisement-

Forcat e sigurisë arritën të neutralizonin dy prej agresorëve, ndaj të cilëve nuk i kursyen grushtet, teksa katër të tjerët arritën të largoheshin.

Ngjarja e turpshme ndodhi në minutat e fundit të takimit. Në fushë u fut edhe ushtria që formoi një rreth për të larguar drejt dhomave të zhveshjes një ndër sulmuesit më të mirë në planet.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
BKS-ja kërkon nga Institucionet që sigurimi për bujqit të bëhët obligativ

Të tjera