Një ditë më parë u bë shumë virale në rrjet një video ku CEO i kompanisë Astronomer, Andy Byron, u kap u përqafuar me një grua që nuk ishte bashkëshortja e tij. Ata ishin në koncertin e grupit të famshëm, “Coldplay”, në Massachusetts.

Byron ka reaguar për herë të parë pasi u kap nga kamerat duke tradhtuar gruan. Në deklaratën e tij, ka fajësuar edhe grupin muzikor për situatën.

Në një nga momentet e koncertit, këngëtari i Coldplay, Chris Martin, vuri re çiftin në ekranin gjigant të skenës, teksa përqafoheshin dhe kërcenin në ritmin e muzikës.

-Advertisement-

Pasi panë se po transmetoheshin drejtpërdrejt, të dy ikën me shpejtësi dhe u përpoqën të shmangnin kamerat.

Chris Martin komentoi me humor: “Shikoni këta të dy. Ose janë në një lidhje jashtëmartesore, ose janë thjesht shumë të turpshëm”,një koment që, sipas ndjekësve online, mund të ketë qenë më i saktë nga sa parashikoi vetë këngëtari.

Pas përhapjes së videos në rrjete sociale, Byron lëshoi një deklaratë publike:

“Dua ta pranoj publikisht këtë moment që po qarkullon online dhe zhgënjimin që ka shkaktuar. Ajo që duhej të ishte një mbrëmje muzike dhe gëzimi, u kthye në një gabim personal që u bë publik në një skenë shumë të madhe. Dua të kërkoj ndjesë sinqerisht bashkëshortes sime, familjes sime dhe ekipit në Astronomer. Ju meritoni më mirë nga unë, si partner, si prind dhe si drejtues”.

Sipërmarrësit iu zbulua tradhëtia gjatë koncertit, REAGON bashkëshortja e CEO-s!
CEO i Astronomer shtoi se po tërhiqet për një periudhë reflektimi dhe kërkoi privatësi:

“Po marr kohën e duhur për të reflektuar, për të marrë përgjegjësitë dhe për të vendosur për hapat e ardhshëm, si në jetën personale ashtu edhe në atë profesionale”.

Byron gjithashtu kritikoi mënyrën si momenti u bë publik:

“E konsideroj shumë shqetësues faktin që një moment privat u bë publik pa pëlqimin tim. Kam respekt për artistët, por shpresoj të reflektojmë të gjithë mbi ndikimin që ka kur jeta e dikujt tjetër kthehet në spektakël publik”.

Reagimet në rrjetet sociale, veçanërisht në X (ish-Twitter), kanë qenë të ashpra. Shumë përdorues kritikuan faktin që Byron fajësoi Coldplay për sjelljen e tij.

Ende nuk dihet nëse ky postim është vërtetë i sipërmarrësit, por është bërë shumë viral në rrjet.

VIVA FRESH E SHPALL KREEEEJT MUAJIN BLACK NOVEMBER!

Sponsoruar

-Advertisement-