Sport

Thiago Silva: Coutinho të mendohet mirë, e pres te PSG-ja

Autori: Gazeta inFokus 15:13 | 20 November 2017

Futbollisti i Liverpool, Philippe Coutinho, mund të vendosë për t’u bashkuar me bashkëkombësit e tij, Neymar dhe Thiago Silva, te PSG-ja, nëse braziliani vendos të ndjekë rrugën e tij.

Gjigantët francezë thyen rekordin botëror të transferimeve gjatë verës për të rrëmbyer Neymar nga Barcelona, për 222 milionë euro. Ata tani mund të konkurrojnë me kryesuesit e La Liga-s në betejën për një tjetër brazilian, Coutinho, që është regjistruar në radarët e “Camp Nou” për pak kohë. Liverpool ka qenë në gjendje të mbajë shërbimet e “play-maker”-it 25-vjeçar tani për tani, por mbrojtësi i PSG-së, Thiago Silva, beson se një lëvizje e parave të mëdha do të mund të përdorej në 2018.

Ai i tha “Telefoot”: “Unë flas shumë me Coutinhon. Shpresoj që në fund të sezonit, apo edhe më parë, kjo mund të jetë një surprizë e këndshme për ne. Unë shpresoj se ai do të mendohet mirë dhe se vitin e ardhshëm do të luajë me ne”. Thiago Silva mund të luajë një rol udhëheqës në çdo qasje për Coutinhon, me 33-vjeçarin të përgatitur për ta ndihmuar PSG-në në përmbushjen e një objektivi të mundshëm.
Ai bëri, po ashtu, që Neymar të transferohej te PSG-ja: “Ashtu si Neymarit, i jap edhe atij shumë këshilla. Sidoqoftë, mendoj se gjëja më e rëndësishme për Coutinho është që të marrë vendimin më të mirë për veten”. Coutinho ka bërë 10 paraqitje për Liverpool këtë sezon, duke shënuar pesë gola. Ai kërkohej nga Barça si zëvendësim për Neymar.

-Advertisement-