Lajme

Tentim vrasje në Prizren, gjuan me armë në drejtim të tre personave

Autori: Gazeta inFokus 10:17 | 24 May 2018

Një tentim vrasje ka ndodhur mbrëmë rreth orës 19 në fshatin Lubizhdë të Prizrenit, shkruan Infokusi.com.

Sipas Policisë së Kosovës përgjatë rrugës Prizren-Suharekë një person ka ndalë veturën dhe ka shtënë me armë zjarri në drejtim të tre viktimave që ndodheshin në veturën tjetër.

Viktimat nuk kanë pësuar lëndime truporë ndërsa plumbat kanë shpërthyer vetëm gomën e veturës.
“Sipas raporteve hetimore thuhet se i dyshuari B. K. po lëvizte me automjet Audi A 3 nga Prizreni në drejtim të Suharekës, pasi e ka vërejtur veturën e viktimave që lëvizte nga krahu i kundërt, një Audi A 5 në të cilën ndodheshin shoferi dhe dy bashkudhëtar ka ndalur veturën e tij, ka dalë prej saj dhe ka shtënë disa herë me pistoletë në drejtim të tyre me ç’ rast një plumb ia ka shpërthyer gomën”, thuhet tutje në komunikatë.

-Advertisement-

Policia e Kosovës ka dalë në vendin e ngjarjes dhe ka sekuestruar katër gëzhoja dhe një predhë plumbi.
Shtëpia e të dyshuarit është bastisur mirëpo ai është ende në kërkim të Policisë./INFOKUSI

Subscribe në YouTube: GAZETA INFOKUSI
Etiketa:
Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në…
-Advertisement-

Të tjera

Fokusi

lajme