Lajme

Të mërkurën certifikohen rezultatet e zgjedhjeve të parakohshme në Kosovë

Autori: Gazeta inFokus 16:16 | 07 July 2026

Komisioni Qendror i Zgjedhjeve do të mblidhet të mërkurën, më 8 korrik, për të certifikuar rezultatet përfundimtare të zgjedhjeve të parakohshme për Kuvendin e Republikës së Kosovës, të cilat u mbajtën më 7 qershor.

Lajmin e ka bërë të ditur zëdhënësi i KQZ-së, Valmir Elezi, i cili njoftoi se mbledhja do të nisë në orën 11:00.

Sipas Elezit, ky vendim vjen pasi Gjykata Supreme ka shqyrtuar dhe ka vendosur lidhur me të gjitha ankesat e paraqitura nga subjektet politike dhe kandidatët në këtë institucion.

-Advertisement-

“Në rend dite është certifikimi i rezultateve përfundimtare të zgjedhjeve të parakohshme për Kuvendin e Republikës së Kosovës, të cilat janë mbajtur më 7 qershor. Mbledhja është caktuar pas vendosjes nga Gjykata Supreme për ankesat e paraqitura në këtë institucion”, ka thënë Elezi.

Me certifikimin e këtyre rezultateve i hapet rrugë konstituimit të legjislaturës së re të Kuvendit të Kosovës dhe formimit të institucioneve të reja të dala nga vota e 7 qershorit.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy