Rozë

Tapeti i kuq i “Oscars”, Kendall Jenner “i heq” të gjitha (Foto)

Autori: Gazeta inFokus 09:58 | 25 February 2019

Nëse do të kishte një çmim për fustanin më kurajoz të veshur përpara ceremonisë së ndarjes së çmimeve më prestigjioze në botën e kinemasë, ato të Akademisë së Artit të Filmit dhe Shkencës, të njohura ndryshe si “Oscars”, atë padyshim do ta kishte fituar bukuroshja Kendall Jenner.

Supermodelja e famshme kishte zgjedhur të vishte një fustan të zi me xixa, që pak vend i linte imagjinatës, pasi të çarat e tij i ekspozonin asaj dukshëm jo vetëm kockat e legenit në “Vanity Fair Oscar Party”.

Ylli 23-vjeçar duket se kërkonte të shfaqte çdo centimetër të këmbëve të saj, përmes një fustani që gjithsesi ruajti mjaftueshëm modestinë e saj teksa pozonte për kamerat në tapetin e kuq të “Wallis Annenberg Center” në Beverly Hills.
Kendallit iu bashkua në tapetin e kuq i ati, Caitlyn Jenner, i cili nuk e fshehu admirimin e tij për të bijën nga disa hapa larg, përpara se t’i bashkohej asaj për disa foto të përbashkëta. Caitlyn, 69 vjeç, mbante veshur një fustan të derdhur ngjyrë të artë.

-Advertisement-