Sport

Talenti kosovar që po monitorohej nga Guardiola, pensionet shkaku i sëmundjes në zemër

Autori: Gazeta inFokus 15:30 | 24 November 2017

Talenti i Manchester City, Sinan Bytyqi, është detyruar të pensionohet nga futbolli shkaku i problemeve me zemër, në një kohë kur Pep Guardiola po e mbikëqyrte nga afër.

Bytyqi, i cili si foshnje kishte ikur nga lufta në Kosovë me prindërit, po merrte vlerësime të larta gjatë huazimit në klubin holandez, Go Ahead Eagles, u trondit kur kuptoi lajmin e tmerrshëm se duhej ta linte futbollin nëse dëshironte të jetonte, transmeton Express.

Gjatë vizitës së fundit në Mançester, Pep Guardiola e kishte skajuar 21-vjeçarin për t’i uruar fat dhe paralajmëruar se progresi i tij po me Go Ahead Eagles po monitorohej nga afër.

-Advertisement-

Pasi u zgjodh në ekipin e javës në Eredivisie, dhe me mendime se do të rikthehej në Manchester City për të tentuar të futej në ekipin e parë, Bytyqi ishte thirrur në zyrën e klubit holandez para stërvitjes.

“U futa në zyre dhe aty ishte trajneri, trajnerët tjerë, doktori. Mendoja me vete se çfarë po ndodhte. Ishte e çuditshme. Menaxheri e nxori një letër dhe më tha se kishin gjetur diçka në testin e monitorimit vjetor të zemrës sime në Mançester dhe se duhet të kthehesha në Angli”, ka zbuluar Bytyqi.

“Ai po ashtu tha se ishte një sëmundje që ta ndalon të luash sport profesionist”, shtoi ai. /Express/