Lajme

Takimi i ministrave të NATO-s, ambasadori rumun: Tensionet në Ballkan na shtynë të dërgojmë 134 trupa shtesë

Autori: Gazeta inFokus 10:41 | 11 October 2023

Ministrat e Mbrojtjes së NATO-s këtë të mërkurë kanë nisur një takim dyditor që po mbahet në Bruksel, ku po diskutohet për luftën në Ukrainë.

Ministri i Rumanisë në NATO, Dan Neculaescu, në llogarinë e tij në “X” duke njoftuar për këtë takim, ka radhitur disa vende ku ka tensione e luftë.

Ai ka përmendur edhe tensionet në Ballkanin Perëndimor, duke thënë se ato kanë bërë që Rumania të dërgojë 134 trupa shtesë në KFOR.

-Advertisement-

“Tensionet në Ballkanin Perëndimor, duke bërë që Rumania të forcojë kontributin e saj për praninë e KFOR-it me 134 trupa”, ka shkruar Neculaescu.

Shtimi i trupave të NATO-s në Kosovë vjen pas sulmit të 24 shtatorit nga një grup të terrorist ndaj Policisë së Kosovës në Banjskë të Zveçanit. Nga ky sulm mbet i vrarë rreshteri Afrim Bunjaku.

Subscribe në YouTube: GAZETA INFOKUSI
Etiketa:
KosovaMed përmbyll vitin me sukses – dhuron donacione për QKMF-në e Junikut

Të tjera

Fokusi

lajme