Lajme

Tahiri: Qeveria po i bën mashtrim të ulët qytetarëve me prezantimin e buxhetit ‘historik’

Autori: Gazeta inFokus 13:33 | 04 December 2022

Shefi i Grupit Parlamentar të Aleancës për Ardhmërinë e Kosovës, Besnik Tahiri ka thënë se buxheti i vitit 2023 është miratuar nga Qeveria pa asnjë konsultim me komunat dhe qytetarët dhe prezantimi që po u bëhet tani nëpër komuna është mashtrim, shkruan Gazeta Infokus.

Ai përmes një postimi në “Facebook”, ka thënë se i ka numëruar tri probleme lidhur me buxhetin e vitit që po vjen.

“- E para, në mungesë të rezultateve, Qeveria ka nisur të prezantojë buxhetet edhe të komunave, kur dihet se buxheti komunal është i rregulluar si financim i rregullt, llogaritur 10% e buxhetit të shtetit në grantin e përgjithshëm, ai për arsim dhe shëndetësi; – E dyta, se kjo Qeveri edhe po cenon përditë pavarësinë e komunave me akte arbitrare, si ai për grabitjen e të hyrave vetanake, por njëkohësisht paturpësisht po sillet si një organizate humanitare, që këta u dhanë kaq miliona komunave, ndërkaq çdo projekt i madh investiv nga qendra është shkurtuar dhe nuk ka ndodhur asnjë konsultim për to.- E treta, nëse Qeveria do donte t’i ndihmonte komunat dhe shërbimet më të mira, nuk do ta hiqte nga agjenda legjislative miratimin e Ligjit për Financat e Pushtetit Lokal, ku parashiheshin financimi i shërbimeve sociale, por edhe mjetet që po mbaheshin nëpër ministri, ku do të shpenzoheshin në zhvillim”, ka shkruar Tahiti./Gazeta Infokus/

-Advertisement-

Më poshtë gjeni postimin e tij të plotë:

Subscribe në YouTube: GAZETA INFOKUSI