Lajme

Tahiri: Policët sot kanë pritë lajmin për shtesat e tyre, fjalë shumë e mbështetje pak

Autori: Gazeta inFokus 17:40 | 06 September 2023

Besnik Tahiri, nga AAK-ja thotë se Qeveria e Kosovës ka shumë fjalë dhe pak mbështetje për Policinë e Kosovës.

Tahiri përmes një shkrimi në “Facëbook” uroi 24 vjetorin secilit polic, i cili është pjesë e këtij institucioni të sigurisë.

Ai shtoi se sot, policët kanë pritë lajmin për shtesat e tyre dhe sipas tij këto janë brengat me të cilat po ballafaqohen që tri vite.

-Advertisement-

Shkrimi i plotë:

Fjalë shumë e mbështetje pak për Policinë e Kosovës

Policia e Kosovës është krenaria e Kosovës – me këtë fjali do të doja të uroj 24 vjetorin secilit polic, i cili është pjesë e këtij institucioni të sigurisë.

Megjithatë, në vend të defilimit të zyrtarëve të Qeverisë në shesh dhe fotografimit me policë, sot Policët e Kosovës kanë pasur nevojë që të marrin lajmin e shumëpritur për shtesat e tyre: Për pagesën e orëve shtesë; për pagesën e rrezikshmërisë; për rritjen e koeficientit të pagave; për Ligjin për Sigurimet Shëndetësore; për Ligjin për Sigurimin Jetësor.

Këto janë brengat e secilit polic.

Policëve nuk u intereson se në çfarë forme trajtohet paga e tyre. Atyre u intereson që ta marrin pagën e dinjitetshme. Po bëhen tri vjet që po jepen shumë fjalë për Policinë e Kosovës, por mbështetje shumë pak.

Subscribe në YouTube: GAZETA INFOKUSI
Etiketa:
Shkolla Finlandeze lanson programin IMPACT: Tani edhe në gjuhën shqipe, me çmim të përballueshëm
-Advertisement-

Të tjera

Fokusi

lajme