Lajme

“Syri i Popullit” bën thirrje që të votohet “Lëvizja Vetëvendosje”

Autori: Gazeta inFokus 15:21 | 16 May 2017

Organizata ‘Syri i popullit’ që muaj më parë kishte marrë përgjegjësinë për plagosjen e avokatit Azem Vllasi përmes një komunikate për media kanë bërë thirrje për të votuar Lëvizjen Vetëvendosje.

Sipas “Syrit të Popullit”, shtabi operativ i kësaj organizate ka analizuar situatën e krijuar në Kosovë me rënien e qeverisë së Kosovës, duke konstatuar se ka qenë qeveria më e korruptuar, më antikombëtare dhe proserbe e periudhës së pasluftës në Kosovë.

“Për dështimet e qeverisë së Kosovës dhe rrotullimin e saj buzë greminës është e përgjegjshme edhe LDK, edhe PDK; – për varfërimin e popullit, vetëvrasjen e ushtarëve të UÇK-së, Zajednicën, demarkacionin etj. është e përgjegjshme po ashtu edhe PDK, edhe LDK”, (sic) thuhet në komunikatën e kësaj organizate.

-Advertisement-

“Populli është i katandisur përgjatë qeverisjes së Kosovës nga ky koalicion i turpit si mos më keq.
Prandaj i bëjmë thirrje masave të gjëra të popullit të votojnë të vetmen forcë politike e aftë të nxjerre Kosovën nga balta e së keqes: Lëvizja Vetëvendosje!”, përfundohet në komunikatën e “Syrit të Popullit”.

Subscribe në YouTube: GAZETA INFOKUSI