Lajme

Sveçla dhe Rodgers diskutojnë për situatën aktuale të sigurisë

Autori: Gazeta inFokus 14:55 | 16 February 2024

Ministri i Punëve të Brendshme, Xhelal Sveçla ka pritur sot në takim ambasadorin jorezident të Australisë në Republikën e Kosovës, Richard Rodgers.

Sipas njoftimit të MPB-së, ministri Sveçla e uroi ambasadorin Rodgers për detyrën e tij si ambasador jorezident në Republikën e Kosovës.

Me këtë rast ministri Sveçla dhe ambasadori Rodgers biseduan për situatën aktuale të sigurisë në Kosovë si dhe për marrëdhëniet bilaterale që gëzojnë dy shtetet tona në fushën e sigurisë.

-Advertisement-

“Me rastin e 16 vjetorit të shpalljes së Pavarësisë së Republikës së Kosovës, ambasadori Rodgers përcolli urimet e tij për ministrin dhe gjithë qytetarët e Republikës së Kosovës”, thuhet në njoftim.

Ministri Sveçla dhe ambasadori Rodgers u dakorduan për komunikim të mëtejmë në frymën e thellimit të bashkëpunimit në fushat që mbulon Ministria e Punëve të Brendshme./

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme