Lajme

Sveçla: Barrikadat në veri kanë mbrojtur drogën e fijen e krimit, po i orkestron Vuçiqi

Autori: Gazeta inFokus 19:43 | 12 February 2023

Ministri i Punëve të Brendshme, Xhelal Sveçla ka folur për operacionin e sotëm të Policisë së Kosovës në Veri kundër drogës.

Sveçla thotë se barrikadat në veri kanë mbrojtur drogën e fijen e krimit e jo qytetarët serb.

“Ato kanë mbrojtur vetëm dhe vetëm fijet e krimit që dërgojnë në ndërtesën presidenciale të Serbisë, aty nga ku Vuciq dirigjon klanet kriminale për paratë e trafikut me të cilat më pas sulmon shtetin tonë në emër të të drejtave të qytetarëve”, thotë ai.

-Advertisement-

Shkrimi i plotë:

Shkatërrohet dhe laboratori i tretë i drogës

Vlera e llogaritur e sasisë së lëndës narkotike dhe paisjeve është rreth 2.3 milionë euro.

Profili i atyre që e ushtrojnë këtë veprimtari kriminale në veri të vendit tonë është i qartë: Paramilitarë e narkodilera. Këta po i mbron, mbështet dhe kur ju duhet i orkestron Presidenti i Serbisë Vuciq dhe pas tij ministri i mbrojtjes Vuceviq dhe Petkovic.

Siç kemi thënë  barrikadat e vendosura gjatë muajit dhjetor në katër komunat e veriut të vendit në të vërtetë kanë mbrojtur drogën e jo qytetarët. Kanë mbrojtur grupet e krimit të organizuar dhe jo burrat e gratë të komunitetit serb shtetas të Kosovës.  Ato kanë mbrojtur vetëm dhe vetëm fijet e krimit që dërgojnë në ndërtesën presidenciale të Serbisë, aty nga ku Vuciq dirigjon klanet kriminale për paratë e trafikut me të cilat më pas sulmon shtetin tonë në emër të të drejtave të qytetarëve.

Asnjë qytetari në botë nuk mund të mbrohet nga narkodillerat dhe paramilitarët.

Kjo kohë ka marrë fund. E drejta do të triumfojë edhe më herët se sa që e kanë paramenduar.

 

 

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme