Lajme

Sulmohet sërish vetura e Policisë nga persona të maskuar në Zveçan

Autori: Gazeta inFokus 19:13 | 31 May 2023

Vetura e Policisë së Kosovës është sulmuar sërish në Zveçan, nga persona të maskuar.

Gazetarja e T7, po qëndron atje prej ku ka dërguar pamje, ku shihen persona të maskuar duke vrapuar e gjuajtur me gurë.

Ndryshe, Policia e Kosovës e ka konfirmuar se sot është dëmtuar edhe një automjet i saj zyrtar në Zveçan.

-Advertisement-

Sipas Policisë, sulmi ka ndodhur rreth orës 14:00, derisa njësia policore ka qenë duke patrulluar afër objektit të komunës në Zveçan.

Sipas saj, sulmi dyshohet të jetë kryer nga një grup i personave, të cilët kanë gjuajtur me mjete të forta.

Nuk ka raportime për të lënduar, derisa Policia ka thënë se rasti është duke u hetuar.

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

lajme