Lajme

Sulmi në Mançester, ja pse u arrestua babai i kamikazit/FOTO

Autori: Gazeta inFokus 09:22 | 25 May 2017

Policia britanike ka arrestuar pesë të dyshuar për sulmin në “Mançester Arena”, ku humbën jetën 22 persona dhe u plagosën 59 të tjerë.

Shefi i policisë së Manchesterit, Ian Hopkins ka thënë se është e qartë se pas sulmit të terroristit 22 vjeçar, fshihet një rrjet

terroristësh dhe se policia po heton për zbardhjen e plotë të skemës, pasi sulmi ka qenë shumë i sofistikuar.

-Advertisement-

Ministrja e Brendshme britanike, Amber Rudd, ka thënë për “BBC” se duket se sulmuesi, i identifikuar si 22-vjeçari Salman Abedi, i lindur në Britani, së fundmi kishte udhëtuar në vendlindjen e tij në Libi, ndërsa policia ka arrestuar babin dhe vëllain e tij në Tripoli të Libisë, pasi babai i tij, kishte pasur një pako të dyshimtë për të cilën janë ende duke hetuar.

Ndërkohë, policia britanike po vazhdon kërkimet për bashkëpunëtorë të mundshëm të sulmuesit vetëvrasës në Mançester.

Deri më tani janë arrestuar nëntë të dyshuar, por një prej tyre u lirua sot. /albeu.com/