Sport

Suarez mbyll aventurën në Brazil, shënon golin numër 555 në karrierë!

Autori: Gazeta inFokus 10:32 | 04 December 2023

Luis Suarez mbylli aventurën me Gremion në Brazil dhe këtë ia doli ta bënte në mënyrën më të bukur. Uruguajani shënoi golin e fitores në ndeshjen kundër Vasco duke firmosur edhe golin numër 555 në karrierën e tij.

36-vjeçari pritet t’i bashkohet mikut të tij Lionel Messi te Inter Miami, edhe pse sulmuesi theksoi se aktualisht trupi i tij ndjen shumë dhimbje dhe për momentin nuk mund të shprehet qartë mbi atë se cila do të jetë e ardhmja e tij.

“Aktualisht ndjej shumë dhimbje dhe më duket se trupi po më flet për të kërkuar pushim. Dua ta shijoj këtë moment dhe këtë pauzë, vetëm më pas mund të vendos se çfarë do të bëj pas ksaj karriere kaq të gjatë. Duhet të pushoj, të shijoj kohën me familjen dhe fati më pas do të vendosë se ku do të jem në të ardhmen”, u shpreh Suarez.

-Advertisement-

Subscribe në YouTube: GAZETA INFOKUSI
Etiketa:
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera