Lifestyle

Studimi: Njerëzit janë më të lumtur kur flenë me qenin e tyre sesa me partnerin

Autori: Gazeta inFokus 14:46 | 14 October 2021

Të fjeturit pranë partnerit, shtrënguar e përqafuar nuk është gjithmonë diçka që siguron rehatinë e nevojshme gjatë natës.

Kjo sidomos, nëse keni gjumë të lehtë ose nëse partneri lëviz shumë gjatë natës, apo më keq akoma, gërhet. Por edhe sepse shumë njerëz janë mësuar prej një kohe të gjatë të flenë vetëm.

Këto janë disa nga arsyet kryesore që njerëzit të mos bëjnë një gjumë të mirë gjatë natës kur flenë pranë një personi tjetër, për të mos përmendur pastaj problemet që mund të ketë një marrëdhënie!

-Advertisement-

Studimi i ri nga You.gov tregon se jo të gjithë janë të lumtur të flenë pranë partnerit të tyre. Madje një shumicë e njerëzve preferojnë të flenë më mirë me qenin e tyre sesa me partnerin.

Sado e çudtitshme t’ju duket, duket se kafshët janë më komode kur vjen puna tek ndarja e gjumit.

Sipas këtij studimi 1 në 4 njerëz do të preferonin më shumë të kishin afër qenin e tyre sesa partnerin çdo natë.

Kafshët shtëpiake janë më të menaxhueshme për t’u rrokullisur nëse keni nevojë për më shumë hapësirë për këmbët, për t;u mbuluar me jorgan dhe ato nuk bëjnë asnjë përpjekje për t’ju marrë batanijen gjatë natës nëse kanë ftohtë. Plus nuk do kundërshtojnë nëse do t’i nxirrni nga krevati fare.

Kafshët shtëpiake gjithashtu ndikojnë në uljen e hormoneve tona të stresit, kështu që ky është një faktor tjetër se përse njerëzit ndihen komod me to.

Subscribe në YouTube: GAZETA INFOKUSI