Lajme

Stacionet e trenit vlerë e trashëgimisë kulturore

Autori: Gazeta inFokus 08:21 | 12 July 2023

Treni vazhdon të mbetët mjet udhëtimi për disa qytetarë të Kosovës. Por stacionet në të cilët ndalet treni disa nga to janë në gjendje jo të mirë.

Kjo vjen edhe si pasojë e asaj se “Infrakos” nuk mund të bëjë renovime në disa stacione të cilat kanë hyrë në mbrojte të shtetit, si pjesë e trashëgimisë kulturore.

Refet Çitaku, zëdhënës i “Infrakos” sqaron për Radio Kosovën se këto stacione për shkak tëvlerës kulturore dhe arkitekturore janë futur nëmbrojtje të trashëgimisë kulturore nga Ministria e Kulturës.

-Advertisement-

Ai thotë se disa stacione të vogla janë të demoluara dhe pritet të shkatërrohen plotësisht dhe të ndërtohen stacionet e reja.

“Stacionet kryesore janë në gjendje relativisht të mirë, nuk janë krejtësisht të shkatërruar. Pasagjerët kanë edhe nga një vend pritjeje dhe janë të standardit klasik. Por ende nuk keni filluar me ndonjë remont në këtë pjesë”, ka thënë Çitaku.

Çitaku gjithashtu thotë se për shkak të eksodittë vitit 1999 është duke u shqyrtuar që stacioni i trenit në Prishtinë të bëhet stacion muze.

“Është në shqyrtim në fazën e një plani për të qenë një stacion muze për shkak të eksoditdhe është bërë një propozim”, ka thënë ai.

Për sa i përket investimit në këto ndërtesa, për këtë vit nga Ministria e Kulturës nuk është paraparë asnjë ndërtim apo edhe renovim ikëtyre objekteve, thuhet në përgjigjen përmes postës elektronike nga Ministra e Kulturës.

Ndryshe në Listën e Trashëgimisë Kulturore me status të mbrojtjes se përkohshme janë: Stacioni i Trenit Pejë, 1933 – 34, Stacioni i Trenit Lutogllavë 1934, Stacioni i trenit Shek. XX Prizren; Stacioni i trenit Shek. XX Prishtinë,Stacioni i Trenit Shek. XX Vrandiollë, Prishtinë;Stacioni i trenit në Dritan (Dobroshec) 1936Drenas; Linja hekurudhore Drenas- Pejë, 1936.Ndërtesa e stacionit të trenit Shek. XX Ferizaj.

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme