Lajme

EKSKLUZIVE: Kjo është letra e Abdixhikut dërguar Kurtit

Autori: Gazeta inFokus 14:54 | 06 May 2025

Kryetari i LDK-së, Lumir Abdixhiku, i është përgjigjur përmes një letre publike ftesës së Albin Kurtit për koalicion.

Në vend të bashkëqeverisjes me Vetëvendosjen, Abdixhiku propozon nisjen e një procesi të ri politik që synon krijimin e një Qeverie Kombëtare të Tranzicionit me përfshirjen e të gjitha partive shqiptare parlamentare.

Më poshtë mund të lexoni letrën e plotë:

-Advertisement-

LETRA E PLOTË:

LIDHJA DEMOKRATIKE E KOSOVËS
Prishtinë, 6 maj 2025

I nderuar kryetar i Lëvizjes Vetëvendosje!, z. Albin Kurti,

I nxitur nga konsiderata për votuesit tuaj, qytetarët e Republikës së Kosovës, ndjej nevojën që, edhe nëpërmjet kësaj letre, t’i përsërisë qëndrimet dhe bindjet tona mbi çështjet që keni ngritur ju.

Lidhja Demokratike e Kosovës në zgjedhjet e përgjithshme të 9 shkurtit ka garuar me një program të qartë dhe me qëndrime të qarta sa i takon bashkëpunimit politik. LDK-ja, për mungesë besimi dhe duke pasur parasysh stagnimin 4-vjeçar të vendit nën udhëheqjen tuaj, rrezikimin e aleancave strategjike, të sigurisë nacionale, rrezikimin serioz të demokracisë dhe të lirisë së shprehjes, atakimin e institucioneve të pavarura kushtetuese, mosrespektimin e vendimeve të këtyre institucioneve dhe të gjithë këtë polarizim të thellë shoqëror e ka vlerësuar të pamundur bashkëpunimin me ju.

Sot, vendi ndodhet në një krizë të thellë politike dhe institucionale për shkak të dështimit tuaj që të krijoni partneritete politike që do t’ju garantonin shumicën. Po ashtu, nëpërmjet bllokimit të procesit të zgjedhjes së kryetarit të Kuvendit, ju, në mënyrë arbitrare, po pamundësoni konstituimin e legjislaturës së re.

LDK-ja zgjidhjen dhe daljen nga kjo bllokadë e vlerëson si urgjente dhe të rëndësisë nacionale. Zgjidhja kërkon përgjegjshmëri, unitet dhe vetëdije të lartë politike nacionale në lidhje me rrethanat politike në vend dhe në skenën ndërkombëtare.

Në përputhshmëri me këtë, LDK-ja propozon nisjen e një procesi të ri politik. Ky proces parasheh përfshirjen e partive politike parlamentare shqiptare, me qëllim formimin e një Qeverie Nacionale të Tranzicionit./GazetaInfokus

Subscribe në YouTube: GAZETA INFOKUSI
EURO 2024 dhe Serie A, dy ekskluzivitetet absolute të Artmotion këtë vit
-Advertisement-

Të tjera

Fokusi

lajme