Sport

Spalletti për Perisicin: Ai është lider

Autori: Gazeta inFokus 18:37 | 19 August 2017

Spalletti ka vetëm fjalë të mira për Perisicin, i cili duket se ka vendosur të qëndrojë në Serie A.

Luciano Spalletti ka lavdëruar anësorin kroat, Ivan Perisic, të cilin e konsideron lider të Interit dhe thotë se me të në fushë mund të arrijnë shumë gjëra pozitive gjatë sezonit 2017/18.

Perisic ishte dëshirë e Jose Mourinhos gjatë gjithë verës, por duket se tashmë gjithçka ka përfunduar. Mediat italiane shkruajnë madje se kroati do të rinovojë kontratën me Interin.

“Me Ivan kam folur unë, ka folur edhe klubi. Ai është një top lojtar. Të gjithë trajnerët që kanë fituar me Interin kanë fituar sepse kanë pasur lojtarë si ai në skuadër”, tha Spalletti.

-Advertisement-

“Ai është një nga lojtarët më profesionist që ka Interi. E kam parë edhe në miqësore të rikuperojë pozicionin e shokëve, të vrapojë si i çmendur, të mbrojë”.

“Ivan është një nga ata që kur mbaron stërvitja për të nuk ka mbaruar akoma sepse shkon në palestër dhe vazhdon me programin e tij personal. Është shumë i rëndësishëm për Interin”.

“Perisic është lojtar që bën diferencën në fushë, tamam si një lojtar i madh”, deklaroi mes tjerash Spalletti.

Interi e nis sezonin e ri në Serie A të dielën ndaj Fiorentinas.

Subscribe në YouTube: GAZETA INFOKUSI