Sport

Solskjaer drejt shkarkimit, ish futbollisti legjendar pritet të marrë drejtimin e Man. United

Autori: Gazeta inFokus 10:10 | 26 October 2021

Humbja e thellë 5-0 në klasiken e futbollit anglez ndaj Liverpoolit, ka tronditur ndjeshëm pozitat e trajnerit norvegjez Ole Gunnar Solskjaer, që nuk është shkarkuar ende nga drejtuesit e Manchester United, të cilët kanë marrë kohë të mendohen.

Së fundi tabloidët anglezë raportojnë se po vlerësohet rikthimi i një legjende si Ryan Gigs në “Old Trafford’, për të marrë përkohësisht drejtimin e klubit, deri në momentin që të emërohet një trajner i ri dhe me një projekt afatgjatë.

Uellsiani ka një eksperiencë si trajner i përfaqësueses së tij, ku u largua pasi u akuzua për dhunë në familje dhe do të mirëpriste një rikthim te “Djajtë e kuq”, ku ka kaluar vitet më të bukura të historisë së tij si futbollist.

-Advertisement-

Megjithatë ëndrra e vërtetë e drejtuesve të “djajve të kuq” quhet Antonio Conte, por italiani nuk dëshiron të marrë drejtimin e një skuadre në mes sezoni, pasi preferon ta nisë projektin nga fillimi.

Subscribe në YouTube: GAZETA INFOKUSI