Lajme

Sokol Hoxha dyshon në vrasjen e babait të tij, për “interesa sllavo-greke”

Autori: Gazeta inFokus 23:24 | 10 December 2017

Në përgjigjen e tij për mjekun e të atit, Isuf Kalo, djali i ish-diktatorit, Sokol Hoxha, teksa flet për likuidimin e Enverit, tregon se ai dhe bashkëshortja e tij, Liliana, janë kërcënuar nga Kalo.

Ne intervistën dhënë për “Panorama”, Sokol Hoxha thotë se mendimet për eliminimin e Enverit u vërtetuan me kalimin e kohës.

“Këto janë rënduar dhe u vërtetuan me kalimin e kohës për vet sjelljen e Isuf Kalos në fund të regjimit, kur edhe më kërcënoi mua dhe Lilianën të mos flasim se do ta kemi shumë keq punën”, thotë ai.

-Advertisement-

I pyetur se për çfarë nuk duhet te flisnin, Sokol Hoxha përgjigjet: “Kjo ishte e çuditshme. Si duket, atij i digjnin shumë gjëra. Një nga këto ishte ajo që ai na ishte mburrur vazhdimisht se ‘Perëndimi do të helmojë Enver Hoxhën nëpërmjet ilaçeve, gjë për të cilën ai personalisht po e ruan’. Sot, jo vetëm ai, por edhe kush e kishte urdhëruar, evitojnë së foluri për këtë pistë duke e quajtur sa paranojë të Enverit, aq edhe tonën, ndërkohë që ne duke ditur shumë gjëra, tashmë nën maskën ‘Perëndimi’, realisht kuptojmë synimin e interesave, kryesisht sllavo-serbe”.

Sipas tij, “Për rrethana të shumta të tilla kemi ngritur pyetjen edhe në familje se pse i besuam garancinë e shëndetit të babait këtij individi kaq të keq”.

Subscribe në YouTube: GAZETA INFOKUSI