Sport

Skuadra kosovare largon super përforcimet e verës (FOTO)

Autori: Gazeta inFokus 12:51 | 10 December 2018

Klubi gjakovar mund të ndryshojë ‘fytyrë’ në pjesën pranverore të kampionatit. Largimi i tre futbollistëve brazilian është një paralajmërim se kuqezinjtë do shfaqen më ndryshe në stinorin tjetër.

Qendërmbrojtësi Romulo Da Silva dhe dy sulmuesit Dhonatan Santos e Chistoper Gomes, tashmë e kanë marrë ‘biletën’ kthyese për në vendlindje, duke qenë kështu largimet e para nga FC Vëllaznimi në këtë afat kalimtar.

Chistoper Gomes kishte realizuar dy gola në stinorin vjeshtor të kampionatit, një në fitoren 2-1 ndaj Vllaznisë së Pozheranit dhe një ndaj Arbërisë në fitoren prej 1-0.

-Advertisement-

Ndërkohë Santos Gomes kishte realizuar nga penaltia në duel ndaj Vllaznisë së Pozheranit (2-1).

Ardhja e Ismet Munishit në stolin e kuqezinjëve ka rikthyer edhe njëherë entuziasmin në kampin gjakovar, derisa kualifikimi për në çerekfinalen e Kupës së Kosovës është një impuls shtesë për këtë skuadër.

Afati kalimtar i janarit pritet të jetë shumë i nxehtë për këtë klub, pasi që pritet të angazhojë disa futbollistë të njohur nga kampionati kosovar.