Sport

Siguroi kualifikimin e Spanjës, por Enriques nuk i rinovohet kontrata

Autori: Gazeta inFokus 11:18 | 15 November 2021

Luis Enrique dhe Federata Spanjolle e Futbollit nuk kanë nxitim sa i përket rinovimit të kontratës. Gjatë epokës së presidentit Villar ka qenë traditë se pas çdo kualifikimi në Botëror trajnerit automatikisht i rinovohej marrëveshja për edicionin pasardhës. Dhe jo vetëm kaq, trajnerë të tillë si Clemente, Camacho, Sáez, Luis Aragones, Del Bosque dhe Lopetegui kanë përfituar rritje të pagës nga 15 deri 25%.

Hera e fundit që Spanja nuk u kualifikua në Botëror ka qenë në kohën e diktaturës.

Presidenti i Federatës Spanjolle, Luis Rubiales, është i kënaqur me punën që po zhvillon trajneri asturian në fushë, po ka dyshime për marrëdhëniet që ai krijon jashtë fushe, me bashkëpunëtoret në Federatë dhe me medien.

-Advertisement-

Gjithsesi, fraza e trajnerit “federata dhe jemi komodë dhe kemi harmoni, nuk më shqetëson çështja e rinovimit, është diçka që do të diskutohet pas Botërorit”, tregon se duhet të përfundojë eventi “Katar 2022” për të parë nëse Luis Enrique do të vazhdojë të drejtojë kombëtaren.

Subscribe në YouTube: GAZETA INFOKUSI