Lajme

Si e tradhëtua “bosi” i drogës në Korçë (Video)

Autori: Gazeta inFokus 17:08 | 17 September 2017

Policia arrestoi një 35 -vjeçar që konsiderohet si një prej shpërndarësve kryesorë të drogës në Korçë. M.V kishte kohë që ishte në ndjekje. Policia tha se ai u kap falë metodave speciale të hetimit, në operacionin e koduar me emrin “Zona 13”.

35 -vjeçari u shpërndante heroinë përdoruesve të ndryshëm në qytet. Lapsi.al mëson se fillimisht policia ka nisur të ndjekë disa nga përdoruesit, veprimet e të cilëve e kanë tradhëtuar, pavarësisht kujdesit që tregonte ai duke ndërruar numrat e telefonit shpesh.

Përmes tyre ka zbuluar disa nga numrat e telefonit të shpërndarësit. Prokuroria ka vendosur ta përgjojë atë për 3 muaj me radhë ndërsa policia ka ndjekur edhe veprimet e tij.

-Advertisement-

Pas këtyre fakteve, prokuroria i është drejtuar gjykatës, e cila më 10.09.2017 ka vendosur të caktojë masën e sigurisë “arrest me burg” për prodhim dhe shitje të lëndëve narkotike.

Në tre muajt që është mbajtur nën vëzhgim, prokuroria dhe policia kanë provuar me fakte se ai u shiste drogë të paktën 6 personave. /Lapsi.al

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme