Auto&Tech

Si duket Cadillac i parë me rrymë – foto

Autori: Gazeta inFokus 13:17 | 14 January 2019

Prodhuesi amerikan ka lëshuar fotografi të automjetit të tij të parë elektrik, i cili është një crossover me tre radhë ulëse.

Cadillac njoftoi një model plotësisht elektrik në konferencën për shtyp të mbajtur në prag të fillimit të panairit të makinave në Detroit, por nuk ka bërë të ditur emrin e modelit, transmeton KosovaPress.

Fotot zbulojnë dizajnin e jashtëm dhe një pamje agresive, në të cilën mund të vendosen tre radhë ulësesh dhe të transportohen 6 udhëtarë.

-Advertisement-

Cadillac nuk ka komunikuar detaje teknike ose datën e lansimit të veturës elektrike, por njoftoi një ofensivë në treg në dy vitet e ardhshme, ku do të paraqesë një model të ri çdo gjashtë muaj.

Prodhuesi amerikan ka zbuluar gjithashtu se crossover me energji elektrike do të jetë i pajisur me teknologji të avancuara autonome të vozitjes, të cilat do ta lejojnë veturën të funksionojë plotësisht në mënyrë të pavarur, pa ndonjë ndërhyrje nga drejtuesi i automjetit.

Emri dhe specifikimet e këtij Cadillac do të bëhen të ditura pas hapjes së panairit të veturave në Detroit.