Sport

Si do të duket formacioni i Barcelonës pa Luis Suarezin?

Autori: Gazeta inFokus 16:39 | 28 November 2018

Barcelona nuk do të mund të llogarisë për dy javë në shërbimet e sulmuesit Luis Suarez, i cili pësoi lëndim në derbin e fundit ndaj Atletico Madridit në La Liga.

Sulmuesi uruguaian pas një nisme jo të mirë të sezonit në La Liga, në ndeshjet e fundit ka kthyer formën e mirë, duke regjistruar paraqitje në nivelin e duhur.

Por, ai tashmë nuk do të mundet të paraqitet për Barcelonën në dy javët e ardhshme, periudhë në të cilën janë paraparë të luhen katër ndeshje.

-Advertisement-

31 vjeçari ka pësuar një lëndim në gju në barazimin 1:1 të Barcelonës ndaj Atletico Madrid në udhëtim fundjavën e kaluar.

Ky lëndim i Suarezit, e ka vënë jo pak në vështirësi trajnerin Ernesto Valverde, që në skuadër nuk ka një 9-tësh të natyrshëm, për të zëvendësuar ish sulmuesin e Liverpool.

Me Lionel Messin, Philippe Coutinhon, Ousmane Dembele, Munir dhe Malcom, Barcelona në skuadër ka shumë cilësi në fazën e sulmit, por jo edhe karakteristikat e Luis Suarez.

Me mungesën e tij, ‘Goal.com’ ka paraparë se si mund të duket formacioni i Barcelonës gjatë kohës sa do të mungojë Luis Suarez.