Lajme

Rama ia kthen Muratit që tha se po punon pa buxhet në sheshin “Xhorxh Bush”: Shiko e mailin, kemi kërkuar urgjent alokimin, po e bllokon

Autori: Gazeta inFokus 20:42 | 30 April 2025

Punimet në sheshin “Xhorxh Bush”, kanë përplasur Qeverinë në detyrë të Albin Kurtit dhe Komunën e Prishtinës të drejtuar nga Përparim Rama.

Të mërkurën, Hekuran Murati, ministër në detyrë i Financave, Punës dhe Trasnfereve, ka thënë se “shpallja e tenderit dhe nënshkrimi i kontratës 18 milionë euro për Sheshin Xhorxh Bush nga Komuna e Prishtinës është bërë pa pasur buxhetin e nevojshëm të ndarë, gjë që është në kundërshtim me legjislacionin në fuqi”.

Atij i është përgjigjur Rama, i cili përmes një postimi në Facebook, ka publikuar edhe emailin, ku kërkohet alokimi i buxhetit.

-Advertisement-

“Hekuran, duke qenë se prapë iu paske bashkuar shokëve të partisë në aksionin për “bllokim”, ju lutem gjeni pak kohë të shikoni emailin që ju kemi dërguar, dy ditë më parë! Për herë të dytë, ta kemi dërguar kërkesën urgjente për alokimin e buxhetit të Kryeqytetit për vitin 2025, të miratuar nga Asambleja e Kryeqytetit, e që ti vazhdon ta bllokosh. Ti po rrezikon që qytetarët e Kryeqytetit të mbeten pa shërbime elementare ndaj tyre! Kryji punët e tua”, ka shkruar Rama në Facebook.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme