Lajme

Shtatë rrugë të kryeqytetit do të jenë njëkahore gjatë fundjavës

Autori: Gazeta inFokus 17:35 | 21 April 2022

Shtatë nga rrugët më të rëndësishme të Prishtinës, përgjatë fundjavës (23 dhe 24 prill), do të jenë në funksion si rrugë njëkahore.

Lajmin e ka bërë të ditur Komuna e Prishtinës.

“Të shtunën më 23 prill dhe të dielën më 24 prill, do ta testojmë shndërrimin e gjithë unazës qendrore të Prishtinës në qarkore njëkahëshe për automjetet” thuhet në njoftim.

-Advertisement-

Rrugët që do të funksionojnë si njëkahëshe, vetëm gjatë kësaj fundajve, janë:

– Rruga ‘Agim Ramadani’ që nga semaforët pranë ish-menzës së Studentëve e deri te rrethrrotullimi prapa ndërtesës së Komunës;

– Rruga ‘UÇK’ nga Parlamenti e deri te ish-Kino Rinia;

– Rruga ‘Migjeni’ deri te ndërtesa e ish-OSBE;

– Rruga ‘Luan Haradinaj’ deri te semaforët pranë Bankës Qendrore;

– Rruga ‘Garibaldi’ deri te semaforët pranë Grandit;

– Rruga ‘George Bush’ deri te semaforët pranë Katedrales;

– Rruga ‘Eqrem Çabej’ deri te semaforët pranë ish-Menzës së Studentëve.

“Lëvizja e trafikut nëpër unazën e mësipërme do të jetë njëkahëshe në të gjitha korsitë dhe krahët e rrugëve” thuhet tutje në njoftim.

Ky është testimi i dytë që Komuna po bën me disa nga rrugët e qytetit.

Subscribe në YouTube: GAZETA INFOKUSI
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme