Lajme

Shtrenjtimi i rrymës, Çitaku: VV-ja, nënshtron qytetarin për ta sunduar më lehtë

Autori: Gazeta inFokus 14:10 | 16 Prill 2025

Deputetja e Partisë Demokratike të Kosovës (PDK), Vlora Çitaku, ka reaguar ndaj vendimit të Zyrës së Rregullatorit për Energji (ZRrE) për shtrenjtimin e energjisë elektrike, duke e cilësuar si të pritshëm dhe pasojë të mungesës së dialogut nga ana e Qeverisë, shkruan Gazeta Infokus.

Sipas Çitakut, vendimi nuk është aspak befasues, pasi qeveria e udhëhequr nga Lëvizja Vetëvendosje, siç tha ajo, shmang në vazhdimësi komunikimin me qytetarët, bizneset dhe akterët e tjerë relevantë.

“Refuzon dialogun, qoftë social, qoftë politik, me këdo dhe për çkado”, ka thënë ajo në një reagim publik.

-Advertisement-

Deputetja e PDK-së theksoi se kjo sjellje është bërë tipike për VV-në, duke shtuar se njëjtë ka vepruar edhe ndaj sindikatave, mediave, opozitës dhe komunitetit të biznesit.

“Kjo kastë politike e dëshiron qytetarin të varfëruar dhe të nënshtruar, sepse beson se vetëm ashtu mund ta sundojë më lehtë”, u shpreh Çitaku.

Ajo vuri në dukje edhe një element që e cilësoi si ironik, duke kujtuar kundërshtimin e ashpër të Vetëvendosjes në të kaluarën ndaj përpjekjeve për zhvillimin e kapaciteteve energjetike në vend.

“E më ironikja? Kjo parti politike, në mënyrë radikale – dhe shpeshherë edhe dhunshëm, ka kundërshtuar çdo përpjekje tonën për rritjen e kapaciteteve energjetike të Republikës. Konsistentë në destruktivitet, kjo është e vetmja politikë që njohin”, shtoi ajo.

ZRrE, pavarësisht reagimeve të shumta nga qytetarët dhe shoqëria civile, ka miratuar të mërkurën vendimin për rritjen e tarifave të energjisë elektrike për konsumatorët në Kosovë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy