Lajme

Shpëtohen 150 emigrantë në Karaibe, vihen në pranga 5 kontrabandistët

Autori: Gazeta inFokus 08:39 | 07 September 2023

Policia e Panamasë shpëtoi 150 emigrantë të cilët po transportoheshin me disa varka përmes rajonit indigjen të Guna Yala, në Karaibe, ndërsa në pranga janë vënë 5 kontrabandistët.

Shërbimi Kufitar Kombëtar i Panamasë njoftoi se personat që po lëviznin janë nga Venezuela, Ekuadori, Kolumbia, Bangladeshi dhe Peruja.

Këto varka drejtoheshin nga pesë persona me kombësi kolumbiane, por më pas u vunë nën kontrollin e autoriteteve.

-Advertisement-

Autoritetet deklaruan se që nga prilli, policia panameze ka shpëtuar 426 emigrantë dhe ka arrestuar 42 persona.

Panamaja është bërë një rrugë tranziti për emigrantët të cilët nga Amerika e Jugut përpiqen të arrijnë në Shtetet e Bashkuara përmes Amerikës Qendrore.

Në fakt, më shumë se 307 mijë persona kanë kaluar xhunglën Darien, në Kolumbi, një shifër më e lartë se ajo e të gjithë vitit 2022, kur kanë kaluar 248 mijë emigrantë.

Ata janë kryesisht nga Venezuela, Ekuadori dhe Kolumbia, megjithëse ka edhe aziatikë dhe afrikanë.

Subscribe në YouTube: GAZETA INFOKUSI