Lajme

Shoqata e Prokurorëve të Kosovës paditë qeverinë Kurti

Autori: Gazeta inFokus 12:21 | 02 December 2022

Shoqata e Prokurorëve ka paditur qeverinë e Kosovës ku ka kërkuar anulimin e vendimit për kthimin e pagave siç ishin para rritjes ose të shtyhet ekzekutimi i këtij vendimit.

Këtë e kanë bërë të ditur nga Gjykata themelore në Prishtinë, shkruan Gazeta Infokus.

“Gjykata Themelore  në Prishtinë, Departamenti për Çështje Administrative,  me datën 29.11.2022,  ka pranuar  padinë me nr. 2767/2022  ku   Paditëse është  Shoqata  e Prokurorëve të Kosovës, ndërsa e paditur  është Qeveria e Republikës së Kosovës, Zyra e Kryeministrit në Prishtinë, me të cilën ka kërkuar anulimin  e vendimit  me numër  03/109 i datës 23.11.2022,  i nxjerr nga e paditura, Qeveria e Republikës së Kosovës, Zyra e Kryeministrit, me kërkesë që të caktohet masa e përkohshme ndaj të paditurës, përkatësisht të shtyhet ekzekutimi  i vendimit  të të njëjtit, deri  në përfundimin  meritor  të  kësaj çështje  në  konfliktin administrativ”, thuhet në njoftimin e Gjykatës.

-Advertisement-

Gjykata po ashtu ka njoftuar se ekzekutimi i këtij vendimi të ligjit për pagat në fushën e drejtsisë nuk mund të hyjë në fuqi deri në kryerjen e këtij procesi gjyqësor, duke i dhënë qeverisë ët drejtën për ankesë.

“Gjykata me datën  02.12.2022, ka  marr aktvendim  me të cilin  ka aprovuar  propozimin e paditëses–propozuesës, Shoqata e Prokurorëve të Kosovës, si të bazuar dhe ka shtyrë ekzekutimin e vendimit me numër 03/109 i datës 23.11.2022,  i të  paditurës, Qeveria e Republikës së Kosovës, Zyra e Kryeministrit, derisa gjykata të vendosë me vendim përfundimtar gjyqësor, përkitazi me kërkesëpadinë e paditëses.  Pala e pakënaqur ka të drejtë ankese’, thuhet në njoftim.

Kujtojmë se qeveria e Kosovës me miratimin e ligjit për pagat, kthej pagat e sistemit të Drejtësisë në koeficientin me të cilin kanë qenë para rritjes që ishte bërë në kohën e qeverisë Haradinaj./Gazeta Infokus/

Subscribe në YouTube: GAZETA INFOKUSI
Për Festën e Bajramit, ZBRITJE deri n’KUPË t’QIELLIT!
-Advertisement-

Të tjera

Fokusi

lajme