Shëndetësi

Shkencëtarët: Është më stresuese të jesh kamerier sesa neurokirurg

Autori: Gazeta inFokus 15:46 | 25 Maj 2017

Një studim i ri ka gjetur se puna e kamerierit është në mesin e punëve më stresuese në botë.

Nuk është sekret se të presësh para tavolinës së dikujt është një punë e vështirë. Orë të tëra punë në këmbë, pagë të vogël, dhimbje të mëdha këmbe dhe shumë probleme të tjera.

Shpesh nervozohemi kur kamerieri na sjell pijen e gabuar ose ushqimin të cilin nuk e kemi porositur – ose kur vjen për herë të tretë dhe na pyet se çfarë dëshirojmë të porosisim, transmeton Gazeta Express.

-Advertisement-

E pra, duhet të pendoheni nëse jeni nervozuar ndonjëherë me ndonjë kamerier sepse duket se kamerierët dhe kamerieret meritojnë edhe më shumë respekt nga ne.

Një studim i ri ka gjetur se puna e kamerierit është në mesin e punëve më stresuese në botë. Studimi, i kryer nga një universitet mjekësor në Guanzhou, Kinë, analizoi të dhënat e rreth 138,700 pjesëmarrësve nga gjashtë studime të mëparshme në lidhje me shëndetin në punë.

Duke përdorur këtë informacion, ata i klasifikuan punët në katër grupe bazuar në kontrollin dhe përkushtimin psikologjik që kërkonte roli në punë.

Punët fizike u klasifikuan si “pasive”, punët me kontroll të lartë si arkitektët dhe shkencëtarët ishin “me stres të ulët” dhe punët që kërkonin përkushtim dhe kontroll të madh (si mësuesit ose doktorët) ishin “aktive”.

Shkencëtarët gjetën se kamerierët kanë 22% më shumë rrezik nga sulmi në zemër sesa ata me punë që kanë pak stres. Një neurokirurg mund të jetë mentalisht më i lodhur pas një dite pune por ata vlerësohen më shumë sesa kamerieri i cili vetëm merr porosi.

Dingli Xu, një nga hulumtuesit, tha: “Të kesh stres të madh në punë lidhet me një rrezik më të lartë të sëmundjeve të zemrës. Është e mundur që punët me shumë stres çojnë në sjellje të pashëndetshme, si zakone të këqija të ngrënies, pirje të duhanit dhe mungesë të ushtrimeve”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

shendetesi

Ky website përdor cookies. Duke vazhduar përdorimin, ju pranoni përdorimin e tyre.

Privacy policy