Sport

Shifra të pabesueshme, 21 nga 27 lojtarët e Milanit u lënduan këtë sezon

Autori: Gazeta inFokus 12:23 | 23 December 2023

Me Fikayo Tomori e lënduar, kjo do të thotë se 21 nga 27 lojtarët gjithsej në skuadrën e Milanit pësuan nga së paku një lëndim këtë sezon.

Reprezentuesi anglez ishte nga të paktët që kishte arritur t’i shmangej lëndimeve këtë sezon dhe po luante çdo ndeshje.

Duke luajtur pa pushuar mund të ketë kontribuar në lëndimin e tij, që mori ndaj Salernitanas të shtunën.

-Advertisement-

Tomori u bë lojtari i 21-të nga 27 në skuadër që ka pësuar një lëndim këtë sezon, me shumicën dërrmuese që lëndimet u lidhen me natyrë muskulare.

Nga gjashtë lojtarët që shmangën lëndimin deri më tani, vetëm Tijjani Reijnders dhe Olivier Giroud janë me opsionet e zgjedhjes për titullarë nga Stefano Pioli.

Teknikat stërvitore të trajnerit italian kanë ngritur pikëpyetje, pasi ky ishte lëndimi i 30-të i ndryshëm që një lojtar i Milanit ka pësuar këtë sezon, 22 prej tyre muskulor, përfshirë sigurisht disa rikthime, shkruan “Tuttomercatoweb”.

Kriza më e keqe është në mbrojtje, sepse Simon Kjaer u largua në pjesën e parë kundër Salernitanas, që do të thotë se nuk ka qendërmbrojtës në dispozicion të Piolit.

Ata e përfunduan ndeshjen me Theo Hernandez dhe adoleshentin Jan-Carlo Simic në qendër të mbrojtjes.

Malick Thiaw, Pierre Kalulu dhe Mattia Caldara mungojnë për një kohë të gjatë, ndërsa Marco Pellegrino po rikuperohet nga lëndimi.

Lajmi i vetëm i mirë është se thuhet se Kjaer thjesht ndjeu marramendje pas një goditjeje në kokë dhe nuk ka asgjë serioze.

Subscribe në YouTube: GAZETA INFOKUSI