Lajme

Krasniqi:Integrimi evropian nuk arrihet me inat politik, por me diplomaci dhe përgjegjësi

Autori: Gazeta inFokus 16:11 | 09 May 2025

Në Ditën e Evropës, deputetja e Kuvendit të Kosovës, Rrezarta Krasniqi, ka kritikuar ashpër Qeverinë në detyrë, duke e akuzuar për izolimin e Kosovës nga proceset evropiane si pasojë e, sipas saj, “arrogancës dhe mungesës së bashkëpunimit me partnerët ndërkombëtarë”.

Në një reagim të publikuar me rastin e 9 Majit, Krasniqi theksoi se ndërsa Evropa feston unitetin dhe bashkëpunimin, Kosova po përballet me masa ndëshkuese nga Bashkimi Evropian – të cilat ajo i cilësoi si pasojë direkte e qasjes së gabuar të qeverisë aktuale.”Kosova ka nevojë për lidership që kupton diplomacinë, partneritetin dhe rëndësinë e dialogut për të ecur përpara në rrugën evropiane,” tha Krasniqi.

Ajo shtoi se integrimi evropian nuk mund të arrihet me “inat politik”, por përmes diplomacisë dhe përgjegjësisë institucionale. Krasniqi gjithashtu theksoi se BE-ja nuk është armik i Kosovës, por rruga e zgjedhur drejt zhvillimit dhe stabilitetit afatgjatë.

-Advertisement-

Deklarata e saj vjen në një kohë kur raportet ndërmjet Kosovës dhe BE-së janë të tensionuara, dhe vendi ndodhet përballë sfidave serioze në rrugën e integrimit evropian.

Subscribe në YouTube: GAZETA INFOKUSI