Lajme

Shenoll Muharremi irritohet nga deklaratat e ministrave të Kurtit: Mos u sillni si idiot me publikun e mos jepni deklarata qesharake

Autori: Gazeta inFokus 23:56 | 13 September 2023

Pas arrestimeve në Ministrinë e Industrisë, Ndërmarrësisë dhe Tregtisë, partitë opozitare kanë kërkuar dorëheqjen ose shkarkimin e ministres, Rozeta Hajdari.

Mirëpo, vetë ministrja Hajdari largoi dyshimet për një dorëheqje të mundshme, pasi siç tha ajo, nuk ka ndonjë arsye për ta bërë një gjë të tillë.

“Që nga dita e parë opozita kërkon dorëheqjen time. A jemi ardhur ne për t’i realizuar dëshirat e opozitës për tu dorëhequr ministrat, apo për të kryer një program të qeverisjes së mirë. Ne asnjëherë nuk mund të jemi në plotësim të dëshirave të opozitës, por nëse ka ndodhur një problem që është në përgjegjësinë time, atëherë normalisht që unë e marr si përgjegjësi profesionale. Pra, nuk ka arsye dhe nuk do të jap dorëheqje”, deklaroi Hajdari në emisionin “Këndi i Debatit”, të Tëvë1.

-Advertisement-