Lajme

SHBA shpreson të rihapë ambasadën në Kiev këtë muaj

Autori: Gazeta inFokus 18:35 | 02 May 2022

Shtetet e Bashkuara kanë thënë se presin të rikthejnë ambasadën në Kiev deri në fund të muajit maj, nëse këtë gjë e mundëson situata.

“Ne dëgjojmë profesionistët e sigurisë dhe kur ata të na tregojnë se mund të kthehemi, ne do të kthehemi”, ka thënë e ngarkuara me punë e Shteteve të Bashkuara në Ukrainë, Kristina Kvien, të hënën, 2 maj.

Stafi i ambasadës amerikane është larguar nga Kievi gati dy javë para se Rusia të niste pushtimin e paprovokuar të Ukrainës më 24 shkurt, duke bartur disa funksione dhe diplomatë në Lviv.

-Advertisement-

Më pas të gjitha operacionet janë zhvendosur në Poloninë fqinje.

Disa shtete të Perëndimit kanë rikthyer tashmë ambasadat e tyre në Kiev, pasi Rusia ka tërhequr forcat e saj nga rajoni i kryeqytetit ukrainas, për t’u fokusuar në lindje dhe jug të Ukrainës.

Presidenti rus, Vladimir Putin, ka urdhëruar më 24 shkurt, atë që e quan “operacion special ushtarak” me qëllim të çmilitarizimit të Ukrainës.

Perëndimi ka dënuar ashpër këtë vendim dhe ka vënë sanksione të pashembullta ndaj Moskës.

Si pasojë e luftës kanë vdekur mijëra njerëz dhe miliona tjerë kanë ikur nga Ukraina./REL

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ

Të tjera

Fokusi

lajme