Lajme

Dita kur gjykata konfirmoi padinë ndaj kasapit Sllobodan Millosheviq

Autori: Gazeta inFokus 09:43 | 27 May 2024

Gjykata e OKB-së mbi krimet e luftës në Hagë, më 27 maj 1999, konfirmoi se ka paditur presidentin jugosllav Slobodan Millosheviq si kriminel lufte.

Më 1 prill 2001, Millosheviq arrestohet në Beograd. Ndërsa me urdhrin e qeverisë serbe më 28 qershor ekstradohet në Hagë, pasi paraprakisht është bërë publike aktakuza për krime lufte në Kosovë.

Më vonë Millosheviq akuzohet për krime edhe në Kroaci dhe gjenocid në Bosnje-Hercegovinë.

-Advertisement-

Gjykimi kundër Millosheviqit në Hagë ka filluar me 12 shkurt të vitit 2002. Nxjerrja e dëshmive për krime në Kosovë e Kroaci dhe për gjenocid në Bosnje – Hercegovinë, ka zgjatur deri me 25 shkurt të vitit 2004. Mbrojtja e tij ka filluar me në fund të gushtit të atij viti.

Gjykimi kundër Millosheviq është ndërprerë dhjetëra herë për shkak të problemeve kardiovaskulare dhe tensionit të lartë të gjakut. Më 11 mars 2006 në ora 9:30, u gjet i vdekur në qelinë e tij.

Subscribe në YouTube: GAZETA INFOKUSI