Lajme

ShBA-ja e ndihmon Kosovën – Osmani nënshkruan marrëveshje prej rreth 35 milionë eurosh

Autori: Gazeta inFokus 11:44 | 15 September 2023

Presidentja e Kosovës, Vjosa Osmani dhe ushtruesja e detyrës së drejtoreshës së USAID-it, Kerry Monaghan Hogler, kanë nënshkruar marrëveshje në vlerë prej 34.72 milionë eurosh.

Me këtë rast, presidentja Osmani tha se marrëveshja u nënshkrua në bazë të amendamentit numër 5 të marrëveshjes së grantit.

Pas takimit, Osmani dhe Ambasadori i ShBA-së në Kosovë, Jeffrey Hovenier, do të deklarohen për media.

-Advertisement-

Osmani me ambasadorin Hovenier është takuar edhe mbrëmë, për siç u tha një takim të rregullt mes tyre. U bë e ditur se aty u fol për zhvillimet e fundit në vend si dhe e para e shtetit paralajmëroi një vizitë në Shtetet e Bashkuara të Amerikës për të marrë pjesë në javën e nivelit të lartë të Asamblesë së Përgjithshme të Kombeve te Bashkuara në New York.