Sport

Shaqa ka një mesazh për serbët

Autori: Gazeta inFokus 14:08 | 25 October 2018

Xherdan Shaqiri ka konfirmuar se do të udhëtojë në Beograd për t’u përballur me Crevena Zvezdën.

Liverpooli mori tri pikë kundër ekipit serb në Anfield, në një ndeshje ku shkëlqeu mesfushori shqiptar.

Dy skuadrat do të përballen sërish pas disa javësh, kësaj radhe në Beograd.

-Advertisement-

Pas ndeshjes, Shaqa u shpreh se nuk i interesojnë çfarë thonë njerëzit për të dhe se nuk ka frikë të luajë në Serbi.

Shaqa tha se do të shkojë në Beograd për të luajtur futboll, “kjo ndeshje s’ka të bëjë asgjë me politikën”.

“Nuk kam frikë. Unë kam parë disa artikuj në lidhje me këtë temë. Një lojtar ka thënë diçka në lidhje me këtë, por më të vërtetë mua nuk më intereson se çfarë thonë njerëzit”, u shpreh Shaqiri.

“Unë po shkoj atje për të luajtur futboll dhe nuk ka të bëjë fare me politikën”.

“Asgjë tjetër nuk më intereson, unë po shkoj atje për ndeshje futbolli. Më ka ndodhur edhe në Kupën e Botës, por nuk paraqet asnjë problem”, shtoi mes tjerash Shaqiri.

Subscribe në YouTube: GAZETA INFOKUSI