Lajme

Serbët e Kosovës e duan Haradinajn kryeministër/FOTO

Autori: Gazeta inFokus 13:57 | 17 May 2017

“Për atë kohë sa Haradinaj ka qenë kryeministër serbët për herë të parë pas luftës kanë hyrë në Prishtinë dhe kanë lëvizur të lirë”, tregon Dragisha Miric, kryetar i Partisë së Re të Kosovës, i cili në koalicion me partinë e udhëhequr nga Sllobodan Petrovic SLS, synojnë institucionet e vendit.

Në një intervistë për Gazetën Fjala, ai tregon se serbët nuk i frikësohen koalicionit të “krahut të luftës”, PDK-AAK-NISMA.

Madje Miric Miric, shprehet i gatshëm të bisedoj me të gjitha partitë politike shqiptare në Kosovë pas zgjedhjeve për partneritet në qeverisje.

Ai thotë se në Parlamentin e Kosovës duhet të futen serbë që i japin fund retorikës së deritashme që nuk i qon askund serbët lokal.

“Duhet të pajtohemi të ecim bashkë përpara. Dhe këtë mund ta bëjnë serbët autokton të Kosovës”, thotë Miric, i cili që po synon ti bëj bashkë serbët e Kosovës qoftë edhe kundër politikës së gabuar të Serbisë ndaj tyre.

Sipas tij serbëve nuk u intereson më politika, shkruan Gazeta Fjala.

“Serbëve u intereson puna, ekzistenca dhe të jenë të qetë në shtëpitë e tyre”.

Këtë Miric thotë se ua kishte garantuar Haradinaj para se të shkonte në Hagë.

“Haradinaj na ka mundësuar që të gjithë serbët që jetojnë në qendra kolektive dhe të gjithë të shpërngulurit të nënshkruajmë një plan për kthimin e tyre, në Kosovë.  Kur Haradinaj shkoi në Hagë, e tërë kjo u ndërpre. Kush e ndali këtë nuk e di”, thotë ai./Gazeta Fjala/

Etiketa:
Agon Gashi në mesin e 100 Liderëve të Rinj Global: Përzgjedhet në gjeneratën e vitit 2023 nga Forumin Ekonomik Botëror…

Të tjera

Fokusi

lajme