Lajme

Senatori amerikan Reed shkon edhe në KFOR, Ristuccia e informon për situatën në terren

Autori: Gazeta inFokus 18:36 | 09 August 2023

Senatori amerikan, Jack Reed, i cili po qëndron në Kosovë për vizitë zyrtare ka shkuar sot për vizitë edhe te komandanti i KFOR-it, Angelo Michele Ristuccia.

Sipas njoftimit të KFOR’it, Ristuccia e ka informuar senatorin për situatën në terren dhe aktivitetet e KFOR’it.

“Senatori i Shteteve të Bashkuara për Rhode Island Senatori Jack Reed i bëri një vizitë te komandanti i KFOR-it, në Camp Film City në Prishtinë. Gjatë takimit gjenerali Ristuccia e informoi mysafirin e nderuar për situatën e përgjithshme në terren dhe aktivitetet e KFOR-it”, thuhet në njoftim.

-Advertisement-

Ndryshe, Senatori amerikan ka zhvilluar takime dje me Presidenten Vjosa Osmani dhe Kryeministrin Albin Kurti.

Gjatë takimit me Kurtin, Reed ka thënë se mbështetja ndaj Kosovës në vitin 1999 ka qenë një nga veprimet më të çmueshme të Shteteve të Bashkuara të Amerikës.

“Senatori Reed u shpreh falënderues për mikpritjen. Ai veçoi vendimin dhe vullnetin e Republikës së Kosovës për strehimin e qytetarëve afganë, duke shprehur mirënjohjen e tij. Ndër të tjerash, tha se mbështetja ndaj Kosovës në vitin 1999 ka qenë një nga veprimet më të çmueshme të Shteteve të Bashkuara të Amerikës, ndërkohë që vlerësoi progresin që ka arritur Kosova dhe dha mbështetjen e tij për rezultatet pozitive”, thuhet në njoftimin e lëshuar nga Zyra e Kryeministrit, pas takimit.

Subscribe në YouTube: GAZETA INFOKUSI
Etiketa:
Prince Caffe dhuron veturën “Kia Sportage” (VIDEO)
-Advertisement-

Të tjera

Fokusi

lajme