Senatorët amerikanë rikonfirmojnë përkushtimin ndaj Ballkanin Perëndimor
Autori: Gazeta inFokus 08:31 | 10 July 2024
Bashkëkryetarët e Grupit Vëzhgues të NATO-s në Senat, demokratja Jean Shaheen dhe republikani Thom Tillis shprehën të martën përkushtimin dypartiak ndaj paqes dhe stabilitetit në Ballkanin Perëndimor dhe disktuan për mënyreat se si Shtetet e Bashkuara mund të mbështesin aspiratat e vendeve të rajonit për anëtarësim në Bashkimin Evropian.
Dy senatorët i shprehën qëndrimet e tyre në një njoftim për median, pas një takimi dypartiak në Kapitol me kryeministrin e Shqipërisë Edi Rama, kryeministrin e Maqedonisë së Veriut Hristijan Mickoski dhe ministrin e jashtëm të Malit të Zi, Filip Ivanoviç të cilët ndodhen në Uashington për takimin e nivelit të lartë të NATO-s.
Senatorët vlerësuan kontributet e këtyre vendeve në NATO, mbështetjen e vazhdueshme për Ukrainën dhe rolin e tyre ndaj stabilitetit rajonal.
“Ne kemi mundësinë të demonstrojmë përkushtimin tonë ndaj Ballkanit Perëndimor duke mbështetur përparimin e secilit nga këto vende drejt anëtarësimit në BE, gjë që do të ndihmonte që aleanca jonë transatlantike të arrijë stabilitet rajonal dhe global”, tha Senatorja Shaheen.
“Uniteti ynë i palëkundur është një shprehje e qartë e vendosmërisë së Shteteve të Bashkuara për të mos frenuar përpjekjet për të minuar paqen dhe stabilitetin në rajon”, tha ajo.
“Rajoni i Ballkanit Perëndimor është kritik për sigurinë e Evropës, dhe si bashkëkryetarë të Grupit Vëzhgues të NATO-s në Senat, ne e bëmë të qartë se Shtetet e Bashkuara janë të përkushtuara për t’iu kundërvënë regjimeve totalitare, në mënyrë të veçantë në kushtet kur Rusia vazhdon luftën e paligjshme kundër Ukrainës dhe kërcënon aleatët tanë të NATO-s”, tha Senatori Tillis.
Në takim morën pjesë edhe senatorët republikanë Mike Rounds, Jerry Moran dhe Pete Ricketts.
Si bashkëkryetarë të Grupit Vëzhgues të NATO-s, Senatorët Shaheen dhe Tillis kanë drejtuar përpjekjet dypartiake në Senat në mbështetje të Aleancës transatlantike.
Ata kanë bërë thirrje për një rikonfirmim të angazhimit të SHBA-së ndaj NATO-s.
Këtë javë në Uashington po mbahet takimi i nivelit të lartë të aleancës, që shënon 75 vjetorin e nënshkrimit të Traktatit për themelimin e saj, një përvjetor që vjen mes sfidave jetike për aleancën.VoA
Të tjera
-
“Adem Demaçi u bë mendja më e fuqishme dhe zëri më i guximshëm”, kryeministri Kurti kujton Adem Demaçin
Sot u bënë gjashtë vite nga vdekja e Adem Demaçit, busullës së lirisë për pop...
-
BE bën pagesën e parë prej 1.5 miliardë eurosh nga asetet e ngrira ruse në mbështetje të Ukrainës
Bashkimi Evropian njoftoi sot pagesën e parë prej 1.5 miliardë eurosh për mbë...
-
Konjufca shkon te familja e Enver Zymerit dhe Afrim Bunjakut në Ditën Memoriale të policëve të rënë në detyrë
Kryeparlamentari Glauk Konjufca sot ka shkuar në vizitë te familjet dy heronj...
-
Osmani thotë se policët e rënë janë nderi, krenaria dhe përpjekja për ndërtimin e një Kosove të sigurt
Presidentja Vjosa Osmani, ka kujtuar heroin Enver Zymerin, dhe të gjithë poli...
-
Begaj kërkon njohjen e Kosovës nga Zambia
Presidenti i Shqipërsië, Bajram Begaj ka pritur në takim ambasadoren e Zambia...
-
Konfirmohen dy vdẹkjet e para në botë nga një infeksion viral tropikal
Në Brazil, Ministria e Shëndetësisë, konfirmoi vdekjen e dy personave për shk...
-
Sindikata e Policisë me homazhe: Dhanë jetën në shërbim të kombit
Pjesëtarë të Sindikatës së Policisë së Kosovës kanë bërë homazhe para lapidar...
-
Avokati i familjes së Faton Hajrizit: Do kërkojmë ndihmë nga Shqipëria rreth çështjes së vrasjes
Gent Gjini, avokat i familjes së Faton Hajrizit, i cili dyshohet të jetë vrar...
-
Haradinaj për Enver Zymerin: Ishte në pikat më të larta të shërbimit me dinjitet ndaj atdheut
Kryetari i Aleancës për Ardhmërinë e Kosovës (AAK), Ramush Haradinaj, ka përk...
-
Lajçakut edhe zyrtarisht i zgjatet mandati si emisar i BE-së në dialogun Kosovë-Serbi
Këshilli i BE-së ka vendosur që t’ia zgjasë mandatin emisarit evropian për di...
-
Kush është Aivo Orav, shefi i ri i zyrës së BE-së në Kosovë
Sot Bashkimi Evropian emëroi ambasadorin e ri në Kosovë,Aivo Orav. Orav, ë...
-
Të veshur me “Kosovë”, Osmani dhe burri i saj mbështesin ekipin tonë në Olimpiadë
Presidentja e vendit, Vjosa Osmani bashkë me burrin e saj, Prindon Sadriun, g...