Fokus

“Së shpejti del e vërteta, dikush do të turpërohet” – Deputeti Enver Dugolli e mbron Kusari Lilën për komunikimin me Radojiçiq

Autori: Gazeta inFokus 17:00 | 15 October 2024

Deputeti i Lëvizjes Vetëvendosje, Enver Dugolli,i ka dhënë përkrahje shefes së grupit parlamentar, Mimoza Kusari Lila, në lidhje me komunikimet e saj me përfaqësues të Listës Serbe, përfshirë Milan Radojiçiqin.

Dugolli ka thënë se është i bindur se së shpejti do të dal një e vërtetë tjetër në lidhje me këto komunikime, pas së cilës ai thotë se dikush do të turpërohet.

“Afera apo siç quhet kjo pubilikimi i këtyre përgjimeve me listën serbe, pra të Mimoza Kusari Lilës, nuk ka marrë epilog. Zonja Kusari Lila e ka thënë edhe atë ditë që do t’i ndjekë hapat ligjor dhe e kam bindjen e plotë se së shpejti do të dal e vërteta dhe dikush lëre që do të turpërohet por do të ketë edhe persekucione ligjore për shkak se kemi dyshime të bazuara që ato përgjime janë të montuara, nuk kanë bazë të vërtetë të vërtetësisë, ka manipulime të ndryshme të cilat ekspertët e kësaj fushe do t’i vërtetojnë edhe më pastaj do të përballen ata me drejtësinë”, ka deklaruar ai në emisionin “Infotalks” në Gazeta Infokus.

-Advertisement-

“Unë të thashë që kjo lufta hibride është shumë e ndërlikuar, zhvillohet në atë mënyrë që në shikim të parë apo në përballjen e parë të krijohet përshtypja që gjithçka është ashtu, por ekzistojnë edhe mekanizma edhe mënyra që të vërtetohen ato, edhe nuk është mirë që apriori të japim një mendim për vërtetësinë e tyre, le të presim, nuk do të shkon edhe gjatë dhe e vërteta do të dal në shesh. Dhe jam i bindur se ka aty shumë pavërtetësi të mëdha për të cilat do të dëshmohen me prova konkrete”, ka theksuar Dugolli.

Gjatë ditës së sotme janë publikuar komunikime të reja të Mimoza Kusari Lilës me drejtues të Listës Serbe.

Në to, Kusari Lila bën përpjekje që të koordinohet me Listës Serbe për votimin e disa ligjeve e projektligjeve në Kuvend. /Gazeta Infokus

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine
-Advertisement-

Të tjera

Fokusi

fokus