Lajme

Schwarzenegger mbështet Harris: Jam amerikan përpara se të jem një republikan

Autori: Gazeta inFokus 07:06 | 31 October 2024

Në mbështetje të kandidates demokrate, Kamala Harris, ka dalë edhe ish-guvernatori i Kalifornisë, njëkohësisht dhe ylli i kinematografisë, Arnold Schwarzenegger.

Aktori i “Terminatorit” përmes një postimi në rrjetet sociale tha se ishte i zemëruar pas refuzimit të Trump për të pranuar zgjedhjet e vitit 2020, retorikën kundër emigrantëve, politikat ekonomike dhe veprimet e 6 janarit.

“Unë do të jem gjithmonë një amerikan përpara se të jem një republikan. Kjo është arsyeja pse, këtë javë, unë do votoj për Kamala Harris.” shkroi ai në X.

-Advertisement-

Sipas tij, kur një kandidat nuk respekton votën e amerikanëve dhe i nxit ata për trazira në Kapitol, një kandidat që nuk ka kaluar asnjë politikë përveç uljen e taksave që ndihmoi njerëz të pasur- nuk do t’i zgjidhë problemet e vendit.

“Do të jenë vetëm katër vite të tjera budallallëqe pa rezultate që na bëjnë më të zemëruar, më të ndarë dhe më të urryer”, shkroi Schwarzenegger.Ai tha se duhet të mbyllet dera e një kapitulli në historinë amerikane.

“Unë e di që ish-presidenti Trump nuk do ta bëjë këtë. Ai do të përçajë, do të ofendojë, do të gjejë mënyra të reja për të qenë më, dhe ne, njerëzit, nuk do të marrim gjë tjetër veçse më shumë zemërim”, shpreh ylli i kinematografisë.

Subscribe në YouTube: GAZETA INFOKUSI
Etiketa:
E treta e verteta, shpallet fituesi I trete I Lojes Shperblyese se Artmotion?
-Advertisement-

Të tjera

Fokusi

lajme