Lajme

Saranda me spital dhe maternitet të ri pas një kohe të gjatë braktisjeje (Video)

Autori: Gazeta inFokus 09:13 | 30 July 2018

Një spital modern me aparatura bio-mjekësore të teknologjisë së lartë është drejt përfundimit në Sarandë.

Kryeministri Edi Rama uron mirëmëngjesi ndjekësit në facebook me pamje nga spitali dhe materniteti i ri i Sarandës.

“MIRËMËNGJES, dhe me pamjet e spitalit dhe maternitetit të ri të Sarandës që së shpejti do të punojnë me orë të plota në shërbim të publikut, pas një kohe të gjatë braktisjeje, rrënimi tërësor e mungesash alarmante që nuk alarmuan askënd për vite të tëra, ju uroj një javë të mbarë”, shkruan Rama.

-Advertisement-

Me një vlerë investimi prej 266 milionë lekë, spitali do të ketë bllok të ri me tre salla për Kirurgjinë si dhe  dyfishohet kapaciteti i Maternitetit.

Ky spital do të hapet në shtator dhe do t’i shërbejë një popullate gati prej 150 mijë banorësh, numër që 3-4 fishohet në sezonin e verës për shkak dhe të rritjes së fluksit të qytetarëve.

Me investim të qeverisë shqiptare, ky  është i vetmi spital që ka pistën e helikopterit, që ndodhet në pjesën e tarracës.

Spitali u shërben të paktën 5 bashkive, Sarandës, Konispolit, Finqit, Delvinës si dhe Himarës.

Subscribe në YouTube: GAZETA INFOKUSI
Etiketa:

Të tjera

Fokusi

lajme