Lajme

Sanksionet ndaj Rusisë mund të vazhdojnë edhe pas përfundimit të luftës në Ukrainë

Autori: Gazeta inFokus 07:46 | 14 November 2022

Sekretarja amerikane e Thesarit Janet Yellen, ka paralajmëruar se disa sanksione ndaj Rusisë mund të mbeten në fuqi edhe pasi të arrihet ndonjë marrëveshje paqeje me Ukrainën.

Wall Street Journal raportin se Yellen tha se çdo marrëveshje eventuale paqeje midis dy vendeve do të përfshinte një rishikim të gjobave që SHBA dhe aleatët e saj kishin vendosur ndaj ekonomisë së Rusisë.

“Unë supozoj se në kontekstin e një marrëveshjeje paqeje, rregullimi i sanksioneve është i mundur dhe mund të jetë i përshtatshëm”, u tha gazetarëve në samitin e G20 në Indonezi.

-Advertisement-

Më herët, Rusia bëri thirrje që G20 të ndalojë së foluri për sigurinë dhe të përqëndrohet në problemet më të ngutshme socio-ekonomike të botës.

Në një deklaratë të lëshuar përpara samitit, sipas Sky News Ministria e Jashtme e Rusisë tha se ishte “thelbësisht e rëndësishme që G20 të përqendronte përpjekjet e saj në kërcënime reale dhe jo imagjinare”.

“Ne jemi të bindur se G20 është thirrur të merret me problemet socio-ekonomike. Zgjerimi i axhendës së tij në fushat e paqes dhe sigurisë, për të cilat shumë vende po flasin, nuk është i zbatueshëm. Ky do të ishte një inkursion i drejtpërdrejtë në mandatin e Këshillit të Sigurimit të Kombeve të Bashkuara dhe do të minonte atmosferën e besimit dhe bashkëpunimit në G20“, u shpreh Yellen.

Subscribe në YouTube: GAZETA INFOKUSI