Lajme

Rusia falënderon Indinë që luftën në Ukrainë s’po e sheh “njëanshëm”

Autori: Gazeta inFokus 11:16 | 01 April 2022

Ministri i Jashtëm rus, Sergei Lavrov, ka falënderuar Indinë që situatën në Ukrainë po e sheh “në tërësinë e fakteve dhe jo njëanshëm”.

“Kolegët tanë perëndimorë duan që të reduktojnë çdo çështje kuptimplote ndërkombëtare në krizën në Ukrainë, ju e dini pozicionin tonë, ne nuk fshehim asgjë”, tha Lavrov në një konferencë për media në Neë Delhi.

“Miqësia është fjala kyçe për të përshkruar historinë e marrëdhënieve tona, të cilat kanë qenë shumë të qëndrueshme gjatë shumë kohërave të vështira në të kaluarën… Sigurisht që jemi të interesuar që rendi botëror të jetë i balancuar”, tha Lavrov.

-Advertisement-

Ndërkaq, homologu i tij indian, S. Jaishankar, tha se takimi mes tyre po zhvillohej “në një mjedis të vështirë”, duke shtuar se India ka qenë gjithmonë në favor të zgjidhjes së mosmarrëveshjeve përmes dialogut dhe diplomacisë”.

Edhe India edhe Kina kanë qenë nën presion për të dënuar veprimet e Rusisë në Ukrainë, derisa numri i të vdekurve nga ky konflikt i paprovokuar po rritet, shkruan CNN, transmeton Gazeta Express.

India dhe Rusia kanë refuzuar të dënojnë pushtimin brutal të Rusisë dhe të dyja shtetet abstenuan në votimin për rezolutat e Kombeve të Bashkuara që kërkojnë që Moska të ndalojë menjëherë sulmin e saj ndaj Ukrainës.

Në po të njëjtën ditë, në Indi po qëndron edhe sekretarja për Punë të Jashtme të Britanisë, Liz Truss, si dhe një zyrtar amerikan.

Subscribe në YouTube: GAZETA INFOKUSI